期指结算日牛证升唔足?
2016-04-28 黃集恩
今日系期指结算，大市上午曾升逾250点，但系见到有一牛证当时只升约20格(即200点左右)，有投资者问系唔系同期指结算期货要转仓去5月合约有关。(5月期指比4月低约100点)
经过仔细研究后，发现其实同期货转仓无关。虽然5月期货目前系比4月低100点，但其实我地系统喺计价嗰阵会用5月期货推算返现价，即系将预期嘅股息加返入5月期货入面，令转仓时唔会出现太大波动。
咁 点解只牛证会好似升少左？原来系同只牛证嘅年期同对冲值有关。你可能问「牛熊证对冲值唔系等于1咩？」，一般中短期牛熊证对冲值的确接近1，但系如果系出 年17年中先到期，仲有成400日嘅牛证，由于年期长，所以系统计价时会将未来一年可能会派嘅股息纳入考虑之内，牛证嘅对冲值就会低过1，而长期熊证嘅对 冲值就可能会高过1。
用返呢只牛证，佢系17年6月到期，对冲值因此只有0.8，所以当大市升250点时，只牛证嘅升幅就系250/10000*0.8 = $0.02，即系20格啦。
目前一般报价机都计唔到牛熊证嘅对冲值，但系如果比较仔细嘅投资者想知，欢迎打返我地法巴热线电话2108-5600查询。