期指結算後，大市急升
2016-03-02 黃集恩
自從2月期指結算後，本來國內降存準都冇咩反應，但係夾下夾下個市到今日大升600餘點，有小小感覺好似之前期指短倉開始平倉甚至反手買返。港匯對美元亦開始轉強。
大市夾，見到有好多人開始買恒指熊證，收回價遍佈20,000點至21,000點。亦有投資者早前買左D一萬九千幾點收回嘅熊證被回收。有投資者即日打上嚟問剩餘價值，一般牛熊證收回後要等下一個交易時段完左先知，但係個市升成600點，有幾隻熊證連行使價都穿埋，咁呢d熊證嘅剩餘價值就已經係等於零。
提返大家揀牛熊證時要有心理準備，一旦指數或股票於收回後升穿或跌穿行使價，咁剩餘價值就會係零架啦。