法巴轮证课程 「海外連線」第五課：商品輪初探 – 黃金輪

上一课我地讲石油，今日我地轮到讲黄金。平时买金，通常都系有实际需要，例如有婚嫁、喜事，有人锺意买金条、买金币黎储，等升值，但系买卖实金通常都比较麻烦，你要亲身去银行或者金铺买，成本高，买仲要地方摆，如果银行租保险厢，分分钟仲要买个夹万返屋企！

纽约期金

所以除有实际需要，如果用投资方面，好多人都会谂有其他产品，其中一种就系直接买纽约期金合约，通常一张合约系100盎司，价值系期金价格乘以100，即系十几万美金，仲贵过期油合约！不过同期油一样，通常俾按金就玩得，一般都系几千蚊美金，而且属於期货产品，有杠杆、自然亦都有补仓风险。

黄金ETF

金矿股同石油股一样，都受自身企业因素影响，未必能够紧贴金价或油价走势，而市面上仲有黄金ETF，价格会跟随金价而变化，入场成本系几千至一两万不等，但散户比较难沽空，未必易开到淡仓，而除买卖ETF需要俾交易徵费外， ETF仲包括基金管理费。

黄金轮

想集齐晒两种部署方法优点？黄金轮或者系选择之一，黄金轮系一种同伦敦金挂窝轮产品，但由於系用纽约期金黎对冲，所以轮价跳动系参考纽约期金变化。黄金轮有杠杆，可以睇好亦可以睇淡，入场费相对较低，用港股户口就买得，而且最大损失只系全部本金，补仓风险，睇呢个比较图表就一清二楚啦。

影响窝轮价格的因素

值得一提，无论系上一课讲过期油轮，抑或系讲过黄金轮，本质上都系窝轮，亦即系多堂以黎讲过引伸波幅、实际杠杆、时间值、街货量、买卖差价等因素，全部都适用商品轮上，唔知大家仲记唔记得呢？唔记得？大家就要温返书，返「法巴学堂认股证篇」黎温习啦！