法巴轮证课程 「海外連線」第四課：商品輪初探 – 期油輪

讲指数、讲股票，仲讲埋外汇，轮都轮到商品啦，我地平时听财经新闻，听得最多商品，应该系石油同黄金啦！石油同黄金系全球最重要的商品，唔单止交投量高，某程度上仲同经济及政治环境挂，每日都吸引唔少投资者买卖。

纽约期油

呢课我地先讲石油，一般投资者做油价部署，最直接方法，当然系买纽约期油合约啦。期油合约买卖以一张张计算，一张通常系1000桶，价值等於期油价格乘以1000，讲紧系几万蚊美金，听落都觉得成本高，不过通常投资者只需要俾按金就玩得，一般系几千元美金，但成本都算贵，而且既然系俾按金，即系有补仓风险啦，如果睇错方向，最大损失唔单止限於全部本金，仲有机会输凸架。

石油股

较多投资者考虑替代选择，系买石油股，不过买股票杠杆，而且散户一般难以参与沽空活动，即系想做方向受到限制；而最重要一点，石油股股价虽然同油价有关连性，但每间公司都有自身企业因素，亦即系期油价格升跌，同石油股价格未必系同一方向、同一幅度架！

期油轮

如果投资者想有杠杆，又同纽约期油关连性较大产品，期油轮或者系唔错选择。期油轮直接同纽约期油挂，入场费较低，通常系几千元港元，最大损失只系投入全部本金，补仓风险，而且可以买升同买跌，而且用港股户口就可以投资商品，仲唔系简单、方便、快捷？

呢度个表总结晒三种投资方法特性，系咪方便到大家比较呢？