法巴輪證課程

睇完香港,又去埋海外,係時候北望神州啦!內地股市是全球其中一個成交額最大的市場,不過由於有外匯管制,海外投資者如果想投身A股市場,唔係一件易事,特別係喺未有滬港通、深港通之前,香港投資者基本上無咩辦法可以買到A股。呢個情況直到2000年初出現改變,因為「合格境外機構投資者」,即係俗稱「QFII」的制度,正式推出啦!

合格境外機構投資者QFII

QFII由內地政府批出一定嘅額度,俾一啲合格境外機構投資者黎中國兌換人民幣買A股。

人民幣合格境外機構投資者RQFII

到咗2012年,內地又有新政策,推出「人民幣合格境外機構投資者」,即係俗稱「RQFII」嘅制度。RQFII係俾一啲銀行、資產管理公司,用喺海外籌到嘅人民幣,返內地買A股,可能你會話,車,要機構投資者先買得,咪即係得大戶有份,我呢啲散戶,邊有得參與喎!係,制度上係要機構投資者先入得場,但有冇方法俾散戶參與呢?有!就係用香港交易所買賣基金,即係ETF喇!

合成A股ETF

但A股ETF都分成兩種架,合成A股ETF比較複雜,個製作流程「是咁的」,合格嘅境外銀行、資產管理公司,用內地政府批出嘅額度買左A股之後,再用呢啲A股砌成衍生工具,然後再由基金公司將呢啲衍生工具包裝成合成A股ETF,喺港股市場掛牌同買賣。係就係轉折啲,但總算有部署A股嘅方法,喺當年都係一個突破性嘅進步黎架!

實物A股ETF

而實物ETF顧名思義就係喺港交所掛牌上市,由A股直接包裝成嘅ETF啦。咁所以簡單啲黎講,拎住A股衍生工具嘅ETF,叫合成A股ETF;拎住真實A股嘅ETF,叫實物A股ETF。

有得買,自然有投資者「心思思」,想睇下有冇相關槓桿產品可以揀啦,所以之後同A股ETF掛鈎嘅窩輪同牛熊證就相繼推出。對投資者黎講,A股ETF窩輪同牛熊證嘅特性,在於除咗可以做睇好A股嘅部署外,仲可以有睇淡嘅選擇,而且有槓桿,可以用少啲資金部署,又有機會得到較大嘅潛在回報,當然要留意有槓桿嘅話,睇錯方向都會倍大虧損架。

講左咁多歷史,都只係想話俾大家知,有左A股TF後,為投資者帶黎左可以部署A股嘅方法,而相關窩輪及牛熊證出現左之後,大家仲多左槓桿產品選擇添!經過咁多年發展,無論睇好定睇淡,市面上嘅A股ETF輪證選擇都唔少,唔知有冇留意到呢?

考考你

A股ETF 10兌1窩輪的實際槓桿比10兌1牛熊證相對較__。

你答錯了!

10兌1窩輪的實際槓桿較低,因為窩輪的年期較長,而且對沖值不是100%。