法巴輪證課程

課堂重點

要數近年A股同港股市場發生嘅大事,滬港通深港通、滬港通深港通、滬港通深港通,一定要講,因為好重要,所以要講三次。2014年開通滬港通,到2016年開通深港通,呢個機制俾中港兩地嘅投資者,通過正式嘅途徑,買入相互市場、指定範圍內嘅股票,對促進兩地嘅交投同投資者層面,唔多唔少都有提振作用。

A股同H股的差距

我知,滬港通同深港通,都冇將窩輪及牛熊證納入在內,但係在股票層面上,投資者都多左好多焦點可以留意。好似唔少中資銀行股、保險股咁,佢地有A股在內地上市,但又有H股就在香港上市,明明係同一間公司,但係就算計埋匯率,A股同H股股價都有差距,點解會咁架?

呢個就係A股同H股之間的價差,某啲股份會係A股會貴過H股,但有啲呢,又會係H股貴過A股,產生溢價或者折讓嘅情況。既然兩地股市在滬港通、深港通機制下已經互通,理論上呢個差距係咪應該會收窄先?作為投資者會點諗?當然係諗下有冇部署機會啦!

A-H股股價監察儀

為左方便投資者監察住A股同H股之間嘅差距,喺法巴認股證網站入面嘅「滬港通、深港通專頁」,有個叫「A-H股股價監察儀」嘅工具,表列左在中港兩地都有上市嘅焦點股份,分別喺A股同H股嘅股價,當中仲會計埋H股較A股有溢價定折讓,仲有五日變化嘅比較,等大家可以睇返兩地股價嘅溢價或者折讓有冇擴大或者收窄,係咪好方便呢?投資者可以考慮用相關窩輪同牛熊證,諗下做槓桿部署啦!

內地投資者南下的資金

另一樣要留意嘅,係內地投資者南下嘅資金,理論上都會增加港股市場嘅流通量,亦有可能吸引內地投資者去部署一啲好熟悉,但喺內地又買唔到嘅中資H股,譬如好似科網股騰訊(0700)、電訊股中移動(0941)咁,因為呢啲股份喺內地都冇上市。另外佢地可能對一啲佢地同樣買唔到嘅國際機構股票都會感到興趣,好似金融股匯豐(0005)、友邦保險(1299)咁。

而我地最新嘅「港股通資金監察儀」可以幫你監察住一啲內地投資者重點部署嘅股份表現!咁投資者考慮窩輪同牛熊證嘅時候,就可以更容易做返相關嘅部署喇!

考考你

A股ETF 10兌1窩輪的實際槓桿比10兌1牛熊證相對較__。

你答錯了!

10兌1窩輪的實際槓桿較低,因為窩輪的年期較長,而且對沖值不是100%。