法巴輪證課程 「海外連線」第七課：外匯輪及商品輪結算

黎到海外連線最後一課，唔知大家試咗買賣外匯輪同商品輪未呢？一般投資者都會選擇做即市或短線買賣，但如果去到到期都未賣呢？咁隻輪就要進行結算，但方法係點呢？

同股份輪一樣，價內窩輪將會收到現金結算額，結算方法亦差唔多。

現金結算額計算方法

拎返喺之前法巴學堂教過嘅股份輪結算公式出黎先：

由於外匯輪同商品輪，本身嘅行使價貨幣係美元或者日圓，但係窩輪用港元計價、買賣同結算，我地只要喺條公式上加返行使價貨幣兌港元嘅匯率，變成咁，就大功告成啦：

外匯輪結算價

睇條公式，再對比窩輪嘅條款，行使價，check！換股比率，check！行使價貨幣兌港元匯率，都check！但係，結算價係咩呢？

外匯輪現金結算價

外匯輪嘅結算價，由2023年開始，由以往《路透》頁面上顯示嘅匯價，轉為係掛鈎匯率在到期日當日嘅下午兩點鐘，喺《彭博》頁面上顯示嘅匯價，拎隻英鎊兌美元窩輪做例子，一隻價內英美PUT輪，行使價係1.32美元，換股比率1兌1，結算價係1.31美元，美元兌港元做緊7.75。

經過運算，

每股最終可以收到0.0775元作為現金結算額，係咪好簡單呢？

商品輪結算價

商品輪會複雜少少，期油輪會拎到期日之前嘅交易日，作為估值日，再攞掛鈎期油合約在當日嘅結算價，作為窩輪嘅結算價。至於黃金輪，就會拎到期日當日為估值日，再攞在《彭博》頁面上顯示嘅倫敦金銀市場協會LBMA，所公布嘅上午定價，作為窩輪嘅結算價。

商品輪現金結算價

拎隻黃金輪做例子，一隻價內黃金CALL輪，行使價係1,300美元，換股比率3500兌1，結算價係1325美元，美元兌港元都係7.75。

經過運算，

最後每股就收返0.0554元啦。

查詢發行商

可能有投資者覺得，咩期油合約結算價，咩倫敦金上午定價，好似好難攞到咁，放心，如果投資者想知道外匯輪同商品輪結算後仲有幾多錢收返，打個電話俾發行人查詢，就得啦！