法巴輪證課程 「海外連線」第四課：商品輪初探 – 期油輪

講咗指數、講咗股票，仲講埋外匯，輪都輪到商品啦，我地平時聽財經新聞，聽得最多嘅商品，應該係石油同黃金啦！石油同黃金係全球最重要的商品，唔單止交投量高，某程度上仲同經濟及政治環境掛鈎，每日都吸引咗唔少投資者買賣。

紐約期油

呢課我地先講石油，一般投資者做油價嘅部署，最直接嘅方法，當然係買紐約期油合約啦。期油合約買賣以一張張計算，一張通常係1000桶，價值等於期油價格乘以1000，講緊係幾萬蚊美金，聽落都覺得成本高，不過通常投資者只需要俾按金就玩得，一般係幾千元美金，但成本都算貴，而且既然係俾按金，即係有補倉風險啦，如果睇錯方向，最大損失唔單止限於全部本金，仲有機會輸凸架。

石油股

較多投資者考慮嘅替代選擇，係買石油股，不過買股票冇槓桿，而且散戶一般難以參與沽空活動，即係想做嘅方向受到限制；而最重要嘅一點，石油股股價雖然同油價有關連性，但每間公司都有自身嘅企業因素，亦即係期油價格嘅升跌，同石油股價格未必係同一方向、同一幅度架！

期油輪

如果投資者想搵有槓桿，又同紐約期油關連性較大嘅產品，期油輪或者係唔錯嘅選擇。期油輪直接同紐約期油掛鈎，入場費較低，通常係幾千元港元，最大損失只係投入嘅全部本金，冇補倉風險，而且可以買升同買跌，而且用港股戶口就可以投資商品，仲唔係簡單、方便、快捷？

呢度個表總結晒三種投資方法嘅特性，係咪方便到大家比較呢？