法巴輪證課程

課堂重點

本課介紹追蹤期金價格變動的黃金窩輪產品,並比較各種部署金價方法的優劣。

上一課我地講咗石油,今日我地輪到講黃金。平時買金,通常都係有實際需要,例如有婚嫁、喜事咁,有啲人鍾意買金條、買金幣黎儲,等佢升值,但係買賣實金通常都比較麻煩,你要親身去銀行或者金鋪買,成本高,買咗仲要搵地方擺,如果喺銀行冇租保險廂,分分鐘仲要買個夾萬返屋企!

紐約期金

所以除咗有實際需要,如果用喺投資方面,好多人都會諗吓有冇其他產品,其中一種就係直接買紐約期金合約,通常一張合約係100盎司,價值係期金價格乘以100,即係十幾萬美金,仲貴過期油合約!不過同期油一樣,通常俾按金就玩得,一般都係幾千蚊美金,而且屬於期貨產品,有槓桿、自然亦都有補倉風險。

黃金ETF

金礦股同石油股一樣,都受自身企業因素影響,未必能夠緊貼金價或油價走勢,而市面上仲有黃金ETF,價格會跟隨金價而變化,入場成本係幾千至一兩萬不等,但散戶比較難沽空,未必咁易開到淡倉,而除咗買賣ETF需要俾交易徵費外, ETF仲包括咗基金管理費。

黃金輪

想集齊晒兩種部署方法嘅優點?黃金輪或者係選擇之一,黃金輪係一種同倫敦金掛鈎嘅窩輪產品,但由於係用紐約期金黎對沖,所以輪價跳動係參考紐約期金嘅變化。黃金輪有槓桿,可以睇好亦可以睇淡,入場費相對較低,用港股戶口就買得,而且最大損失只係全部本金,冇補倉風險,睇吓呢個比較圖表就一清二楚啦。

 

 期金

 黃金ETF

 黃金輪

最大損失

 有補倉風險

 所投入的全部本金

 所投入的全部本金

槓桿

 約10至30倍

 沒有

 約3至10倍

手續費

 約每張1.3美元

 需付基金管理費

 與投資證券相同

入場費

 數千美元

 視乎基金

 數千元

方向

 可看升或看跌

 只可看升,散戶難沽空

 可看升或看跌

流通量

 靠市場參與者

 莊家及市場參與者

 具流通量提供者制度

買賣方法

 期貨戶口

 本港證券戶口

 本港證券戶口

匯率風險

 有

 視乎ETF而定

 

 

影響窩輪價格的因素

值得一提嘅,無論係上一課講過嘅期油輪,抑或係啱啱講過嘅黃金輪,本質上都係窩輪,亦即係咁多堂以黎講過嘅引伸波幅、實際槓桿、時間值、街貨量、買賣差價等因素,全部都適用喺商品輪上,唔知大家仲記唔記得呢?唔記得?大家就要溫返書,搵返「法巴學堂—認股證篇」黎溫習吓啦!

考考你

如果看淡日圓, 應考慮部署____。

你答錯了!

美日認購證是看好美元,相對看淡日圓的產品。而美日認沽證是看淡美元, 相對看好日圓。