法巴輪證課程

外匯輪,雖然掛鈎嘅資產係外匯,但本質上都係窩輪,所以喺「法巴學堂-認股證篇」講過嘅引伸波幅、時間值、實際槓桿、街貨量、買賣差價等等會影響窩輪價格嘅因素,都適用喺外匯輪上,甚至乎外匯輪跳動敏感度嘅公式,都同股份窩輪大同小異。

拎返條公式出黎先:

股份窩輪敏感度 =

正股最低上落價位 x 對沖值

換股比率 x 窩輪最低上落價位

 

外匯窩輪敏感度

由於外匯唔會好似股票咁,唔會有「最低上落價位」,所以將呢樣野變一變,變成「匯率變化」,而喺呢條公式外,再加上行使化貨幣兌港元匯率,變成咁,就搞掂晒!

外匯輪敏感度 =

匯率變化 x 對沖值

 x 行使價貨幣兌港元匯率

換股比率 x 窩輪最低上落價位

 

用一隻歐元兌美元窩輪為例子,

 

 外匯輪A

掛鈎資產

 歐元兌美元

認購 / 認沽

 認購

行使價

 1歐元兌1.20美元

對沖值

 30%

換股比率

 1

窩輪價格

 0.20元

 

假如歐元兌美元跳動咗0.2美仙,歐元兌美元匯價就會上升或下跌0.002,而在聯繫匯率下,假設1美元可兌換7.75港元。

套返啲數入以上公式,

外匯輪敏感度 =

0.002 x 0.3

 x 7.75

 = 4.65

1 x 0.001

 

即係歐元兌美元只係輕輕跳0.2美仙,隻輪理論上已經跳4格有多,可以話係敏感度極高嘅選擇。由於外匯輪引伸波幅較低,通常都會有較高嘅實際槓桿,加上匯率嘅變動一般都比較穩定,呢個都可能係令外匯輪有較高敏感度嘅原因。有關窩輪最低上落價位,可以睇返法巴學堂《認股證篇》第六課。

美元兌日元窩輪敏感度

舉多隻美元兌日圓窩輪做例子,因為美日輪嘅行使價貨幣係日圓,所以在公式上,會用日圓兌港元嘅匯率。

呢度有一隻美元兌日圓嘅認購證,

 

 外匯輪B

掛鈎資產

 美元兌日圓

認購 / 認沽

 認購

行使價

 1美元兌110日圓

對沖值

 25%

換股比率

 1

窩輪價格

 0.15元

 

假如美日匯價由1美元兌104日圓,升到104.3日圓,個變化係0.3日圓,而100 YEN 而家唱到7.5港元,即係1日圓等於0.075港元。

套返晒啲數入條公式,

外匯輪敏感度 =

0.3 x 0.25

 x 0.075

 = 5.625

1 x 0.001

 

即係美元兌日圓郁左0.3日圓,隻外匯輪理論上就會跳5格。

外匯與外匯輪的交易時間

有兩點要特別留意,第一,外匯係24小時買賣,但外匯輪只係喺港股交易時段內買賣,假如喺美股時段,大家訓緊覺時,個匯率急升或者急跌,但到第二日港股開市時又回復正常,呢啲非港股交易時段嘅高低位,其實係反映唔到落隻輪架。以上公式上的匯率變化,係指匯率由上日窩輪收市一刻,到第二個交易日之間嘅變化,大家唔好計錯。

行使價貨幣兌港元匯率

第二,大家可能發現公式入面,有「行使價貨幣兌港元匯率」呢個因素,原因係,外匯輪嘅行使價貨幣可能係美元或者日圓,但外匯輪嘅買賣同結算都係用港元,所以「行使價貨幣兌港元匯率」,就會出現喺條公式上。不過,香港有聯繫匯率保障港元同美元之間嘅匯率變化,只係在相對小幅度之內,所以實際上對輪價的影響,理論上都係有限嘅。

考考你

期油輪和黃金輪都以到期日當日為估值日。

你答錯了!

期油輪以到期日前的交易日為估值日,再拿掛鈎期油合約於當日的結算價為窩輪結算價。黃金輪則以到期日當日為估值日, 再拿《路透》顯示倫敦金銀市場協會LBMA公布的上午定價作為窩輪結算價。