法巴輪證課程 「海外連線」番外篇：離岸人民幣匯價輪

大家睇完哂之前外匯商品窩輪嘅短片，應該對點利用股票戶口嚟投資外匯商品走勢略知一二。

大家可能對投資其他海外貨幣嘅興趣有限，或者始終唔係咁清楚各地政策對貨幣嘅影響。咁就啱啦， 大家除左港幣之外，一定有接觸過人民幣啩，唔多唔少都對人民幣走勢有D概念嘅。

人民幣走勢

人民幣自從2005年開放浮動後，到2013年底基本上升左8年，由以前100蚊港紙換120蚊人仔，個個香港人周末就返內地消費；到後來100蚊人仔換120蚊港紙，大量國內旅客來港掃貨，呢個過程大家一定經歷過。呢8年之間，好多香港投資者亦可能諗過，從不同途徑購入人民幣，賺下人仔升值潛力。

到左2014年頭，人仔匯價突然掉頭眨值，加上近年美元轉強，人仔眨值速度越來越快，好多揸住人仔嘅本地甚至國內投資者，呢幾年都牙痛咁聲，睇住資產價值下跌。

離岸人民幣匯價輪

講左一大輪，當然係離岸人仔匯價窩輪出場嘅時候啦！法巴喺2016年推出左英鎊外匯輪，反應不俗。為左順應市場需要，有咩仲好得過推出離岸人仔外匯輪呢？於是即刻開始同交易所討論，經過一個秋與冬，終於喺2017年獲批准發行美元兌離岸人民幣之外匯窩輪(可能係亞洲第一隻離岸人民幣匯價輪)。

美元兌離岸人民幣窩輪

美元兌離岸人民幣窩輪(簡稱美人輪！？)，操作同市場上現有嘅美日匯價輪相似。同樣以美元作為基礎貨幣，即係每一股輪等於以行使價買入或賣出1美元之離岸人民幣，以一手窩輪10,000股計算，即已等於做緊10,000美元等值之買賣投資。如果睇好美元強人民幣弱，即美元兌離岸人民幣匯價數值向上，方向上就應該揀CALL輪。相反睇美金弱人民幣轉強，即美元兌離岸人民幣匯價數值向下，方向上就應該揀PUT輪。

離岸人民幣部署

離岸人仔匯價輪嘅出現，令所有持有香港證券戶口嘅投資者，不論係對沖風險或作投機性質目的，都可以進行買入或賣出離岸人民幣嘅槓桿部署。人仔匯價輪唔需要孖展按金，亦唔需要另外開期貨或其他戶口，只要睇啱方向，揀好行使價同年期，用窩輪號碼已經可以好似一般證券咁喺市場買賣。

睇到呢度，係咪好想睇下市場上有咩離岸人仔匯價輪可以揀呢？可以去我地法巴網站內嘅『海外連線』睇下，或者直接打我地法巴窩輪熱線問下啦。