法巴轮证课程 「認股證篇」第九課：窩輪實戰：鎖利及對沖

讲左窝轮耐，系咪都想亲身参与下？窝轮除左可以作为以小博大投资工具，如果配合到正股买卖，仲可以帮到大家配置资产组合，呢课会集中讲两种策略，锁利，同对冲。

锁利部署

先讲锁利，顾名思义，就系点样锁定利润。有时投资者买左只正股，升左，有钱赚，当然好开心啦，但几时放好呢？放左，会唔会仲有得升？但唔放，会唔会之後跌返架？个心系咪十五十六呢？呢个时候，窝轮帮到你。

方法好简单，当你买左果只股票升左之後，先行沽出部分正股，锁定左一部分利润先，再购入与同一资产挂窝轮，由於窝轮具有以小博大特性，投资者可以用少资金，部署同一数量正股。

如果之後正股继续升，当然再开心，因为股票同窝轮价格都有得升；但如果惨惨猪跌呢？由於窝轮的成本较低，而且蚀晒都只系投入全部本金，而你之前已经锁定左部分利润，如果条数计得好，潜在亏损将会减低！

至於条数点计？有条方程式之俾大家参考，

投资者拣左想用黎做锁利部署的窝轮後，拎对冲值同换股比率，代入呢条方程式，再将沽左正股数目代入去计，就可以计到，究竟要买几多份窝轮，先代替到已经锁定利润正股啦。

对冲部署

至於对冲又系点呢？当你买入左只股票後，当然希望股价会升，但又担心会跌，点算呢？呢个时候，就可以考虑对冲部署啦，方法系，在买入正股时，同时买入与同一资产挂认沽证。

当正股股价升时，认沽证可能会蚀钱，但最大损失都系投入全部本金，以小博大特性令成本减低左。虽然成个投资组合计，会赚少左钱，但用认沽证买个安心，可以降低部署风险。

而如果正股股价真系跌呢？正股的投资者当然有亏损，但系认沽证价格会升，带黎盈利可以抵销正股亏损，成个投资组合计，风险都系降低左。

至於究竟要买几多认沽证呢？拣左只轮後，代返入锁利条公式，就得架啦。