法巴輪證課程

課堂重點

本課比較窩輪及牛熊證的優點及缺點,讓投資者可因應需要,選擇不如產品作部署。

黎到呢一刻,如果有睇晒我地法巴學堂,牛熊證同窩輪嘅部分,應該都已經對兩種產品,有一定嘅概念,咁究竟投資者如果對衍生工具有興趣,係揀牛熊證、定窩輪好呢?

呢個時候,我想好大聲講一句,「Why Not Both?」

牛熊證同窩輪,兩種產品嘅特性唔同,睇睇呢個表。

牛熊證

窩輪

提供槓桿

年期有限(設有到期日)

有收回風險(設有收回價)

沒有收回風險

引伸波幅並非影響價格的重要因素

引伸波幅是影響價格的重要因素

時間值損耗並非影響價格的重要因素

時間值損耗是影響價格的重要因素

 

牛熊證同窩輪一樣,都係有具有槓桿效應嘅產品,而且都有年期,即係只可以在指定時間內作交投。

唔同嘅地方係,牛熊證設有收回機制,當相關資產價格到達收回價時,就會即時停止買賣等結算,就算之後相關資產個價點郁,都已經冇仇報;而引伸波幅同時間值並非影響價格嘅重要因素。

窩輪呢?就冇收回機制嘅,一隻CALL輪就算因為正股急跌而令輪價急跌,之後如果正股在期內升返,窩輪價格都有機會升返,投資者可能會覺得「有仇報」;但係佢就有引伸波幅同時間值損耗,即係影響佢價格嘅因素會多啲。

其實牛熊證同窩輪,都會因應唔同條款,而俾出唔同嘅槓桿,好難一概而論。如果投資者能夠了解到兩種產品嘅特性,靈活運作,就無論睇好定睇淡,都咁得心應手啦!

*以上例子的目的是以日常生活來比喻窩輪的某一種條款或特性,讓投資者更容易初步了解窩輪產品。以上例子並不能代表亦不能完全覆蓋窩輪的所有條款或特性。投資者投資時需要全面了解窩輪的條款,特性和風險。

考考你

每隻窩輪都會有個到期日,窩輪的年期愈長,在不計其他因素下,理論上價值就會越高。

你答錯了!

如果年期長啲,即係有多啲時間俾隻正股,升到同跌到個行使價位置,多左時間即係代表機會大左,價值就會高啲啦。